كۆبوونەوەی رێكخراوەكانی لاوان بۆ سازدانی چوارەمین كۆنفرانسی لاوانی چوارپارچەی كوردستان بەردەوامە‌و بۆ ئەم مەبەستەش رۆژی یەكشەممە 11/5/2014، چەند كۆبوونەوەیەك ئەنجامدار.
پێشنیوەرۆی یەكشەممە رێكخراوەكانی لاوانی رۆژهەڵات لە بنكەی رێكخراوی لاوانی پێشڕەو لەسلێمانی كۆبوونەوە‌و سەبارەت بە ئامادەكارییەكان كۆنفرانسی داهاتوو قسەوباسیان كرد.

پاشنیوەرۆی هەمان رۆژ لە هۆڵی دیالۆگ لەشاری سلێمانی نوێنەری رێكخراوەكانی لاوانی چوارپارچەی كوردستان كۆبوونەوە.

لەكۆبوونەوەكەدا سەبارەت بە كات‌و شوێنی بەستنی چوارەمین كۆنفرانسی لاوان قسەوباس كرا‌و كۆبوونەوەكە بەرێكەوتن لایەنەكان بەسەركەوتوویی كۆتایی پێهات.