ڕۆژی دووشەممە ڕێکەوتی ٢ی ڕەشەممەی ساڵی ١٤٠٠ی هەتاوی بە بەشداری نوێنەری حیزب و لایە سیاسییەکانی هەر چوار پارچەی کوردستان، دۆستان و دڵسۆزانی بزووتنەوەی ڕزگاریخوازانەی گەلی کورد و ڕێبەری و کادر و ئەندامان و پێشمەرگە و لایەنگرانی کۆمەڵە ڕێوڕەسمێکی پڕ شکۆ لە لایەن لێژنەی ئامادەکاری ڕێوڕەسمی هاوبەشی ڕۆژی کۆمەڵە بە بۆنەی ڕێز گرتن لە ٢٦ی ڕێبەندان ٤٣هەمین ساڵڕۆژی ئاشکرا بوونی خەباتی نهێنی کۆمەڵە بەڕیوە چوو.
سەرەتا وێڕای بەخێر هاتنی میوانان ڕێوڕەسمەکە بە سروودی بانگەواز، ماڕشی ڕەسمی کۆمەڵە دەستیپێکرد و پاشان بۆ ڕێز لێنان لە فیداکاری و گیانبازی سەرجەم گیانبەختکردووانی کۆمەڵە و بزووتنەوەی ڕزگاریخوازانەی کوردستان و بە تایبەتی هاوڕێی ڕابەر کاک حەمە حسێن کەریمی چەند ساتێک بێدەنگی ڕاگیرا.
دواتر پەیامی هاوبەش لە لایەن بەڕێز هاوڕێ ئەبووبەکر مودەڕسی جێگری سکرتێری گشتی کۆمەڵەی شۆڕشگێڕ بە نوێنەرایەتی لە لایەن کۆمەڵەی زەحمەتکێشان و کۆمەڵەی شۆڕشگێڕەوە پێشکەش بە بەشداربووان کرا.
پاشان هاوڕێیانی کۆڕی بانگەوازی کۆمەڵە تابلۆیەکی هونەریان پێشکەش کرد. ڕێوڕەسمەکە بە خوێندنەوەی بابەت و پەخشان درێژەی کێشا.
دواتر کۆمەڵێک برووسکە و پەیامی پیرۆزبایی لە لایەن حیزب و لایەنە سیاسییەکان و کەسایەتییەکان گەیشتە دەست بەڕێوەبەرانی ڕێوڕەسمەکە کە هەندێکیان بریتی بوون لە بەڕێزان:
بۆردی پەیوەندییە کوردستانییەکانی یەکیەتی نیشتمانی کوردستان
پارتی دیموکراتی کوردستان لقی ٢١ مەکتەبی پەیوەندییەکان
حیزبی دیمۆکراتی کوردستانی ئێران – دەزگای پەیوەندییە گشتییەکان
حیزبی دیمۆکراتی کوردستان
سازمانی خەباتی کوردستانی ئێران
پارتی ئازادی کوردستان – پەیوەندییە گشتییەکان
یەکیەتی دیمۆکراتی کوردستان – ئێران
پارتی ژیانی ئازادی کوردستان – پەیوەندییەکان
مەکتەبی سیاسی بزووتنەوەی ڕزگاری دیموکراتی کوردستان
پارتی کرێکاران و ڕەنجدەرانی کوردستان
بزووتنەوەی دیموکراتی گەلی کوردستان – مەکتەبی سیاسی
حیزبی زەحمەتکێشانی کوردستان
پارتی وڵاتپارێزانی کوردستان
پارتی ماف و ئازادییەکان – هاک پار
پارتی ئازادی کوردستان – باکوور
پارتی دیموکراتیکی کورد لە سووریا – ئەلپارتی
کۆنگرەی نەتەوەکانی ئێرانی فێدراڵ
شاعێری گەورەی نەتەوەکەمان، کاک حەمە عەزیز، خاوەنی شێعری سوورە سووار
بەڕێز سەرۆ قادر، بەرپرسی ئەنستیتۆی توێژینەوە و گەشە پێدان
بەشی دووهەمی رێوڕەسمەکە تایبەت بوو بە میوانداری بەشدار بووان و ئاهەنگی شادی.
کومیتەی هاوبەشی ڕێوڕەسمی ڕۆژی کۆمەڵە
کۆمەڵەی شۆڕشگێڕی زەحمەتکێشانی کوردستانی ئێران
کۆمەڵەی زەحمەتکێشانی کوردستان
٢ی رەشەممەی ساڵی ١٤٠٠ی هەتاوی
