پێشنیوەرۆی رۆژی سێ شەممە ١٧ی جۆزەردان هەیئەتێکی پارتی پێشڤەرۆی کورد لە سوریە بە سەرۆکایەتی بەرێز عەلی شەمدین ئەندامی مەکتەبی سیاسی و نوێنەری ئەو پارتە لە هەرێمی کوردستان سەردانی ناوەندی سەرکردایەتی کۆمەڵەی کرد کە لە لایەن هاورێ عومەری ئیلخانی زادە سکرتێری گشتی کۆمەڵە وهەیئەتێکی هاورێی بە گەرمی پێشوازی کران. لەو دیدارەدا وێرای قسەوباس و سەرنجی هەرتک لا لە بابەت دۆخی رۆژئاوای کوردستان بە تایبەتی و،پرسی کورد بە گشتی لە ناوچەکە،لەسەر پێوەندی لە مێژینەی کۆمەڵە لەگەڵ حیزب و لایەنە سیاسیەکانی کورد لە کوردستانی رۆژئاوا و، بە تایبەت لەسەر پێوەندی دوولایەنە پێداگری کرا.
هەیئەتی میوان پاش ٣ سەعات دانیشتن و گفتوگۆ لە لایەن هەیئەتی کۆمەڵەوە بە گەرمی بەرێ کران.
سکرتاریەتی کۆمەڵەی زەحمەتکێشانی کوردستان
١٧ی جۆزەردانی ١٤٠١ی هەتاوی
٧ی ژویەنی ٢٠٢٢ی زایینی
