نیوزنەیشن: میوانی ئەمجارەی ئێمە، کە خۆشحاڵین بە بینینی لێرە و گوێگرتن و بیستنی روانگەکانی ، پشتیوانی لە حکومەتی ئێران و ئامانجی ئەو حکومەتە ناکات. گرنگە لە سەرەتادا بڵێین کە ئەو دژی چەکی نەوەوی و ئەتۆمییە و خوازیاری ئێرانێکی بێ چەکی ئەتۆمییە. زۆر خۆشحاڵین بە هاتنی عەبدولڵا موهتەدی، سەرۆکی گشتیی جوڵانەوەی سیاسیی کوردەکانی ئێران کۆمەڵە. کاک عەبدولڵا، سوپاس بۆ بەشداریتان. خۆشحاڵین بە بینینت لە واشنگتن.
عەبدوڵڵا موهته‌دی: سوپاسی میوانداریتان دەکەم.
نیوزنەیشن: دەمهەوێ هەر لە سەرەتاوە ئەم بابەتە ڕوون کەمەوە و بەرێزیشت دەتوانیت لەسەر ئەوەی بینیت قسە بکەیت. وەک زانیاری و هەواڵەکان وتووتە کە ئێران نابێت چەکی ئەتۆمی هەبێت، ڕاستە؟ ئەی هەڵوێستت لەسەر ئەوەی لە ٢٤ کاتژمێری رابردوودا بینیت، چییە؟
عەبدوڵلا موهته‌دی: بەڵێ، من لە واشنگتۆنم بۆ ئەوەی سوپاسی هەوڵەکانی حکومەتی ترامپ بکەم کە لەسەر پرۆژەی ئەتۆمی حکوومەتی ئێران و دۆزینەوەی چارەسەرێک بۆ ئەم پرۆگرامە خراپ و زیانبار وپڕتێچووە چڕ بوونەوەتە.چوونکە ئێمە وەک کوردی ئێران،و بە شێوەیەکی گشتی زۆربەی خەڵکی ئێران، دژی ئەم پرۆگرامەین و خوازیارین ئێرانێکی بێ چەکی ئەتۆمی ببینین.
نیوزنەیشن: باشە، تۆ لە واشنگتۆن هەوڵ دەدەی و تێدەکۆشی. لەوانەیە بتوانین لەسەر چارەسەرێک کە دەکرێ گونجاو و کاریگەر بێ زیاتر قسە بکەین. هەڵبەتە دۆزینەوەی چارەسەرەکە زۆر دژوار و ئەستەمە. کوردستانی ئێران، ناوچەی باکوری رۆژاوا، کە بەگوێرەی نەخشە بەشێکە لە ئێران. تۆ بێگومان روانگە وهەڵوێستی خۆت دەربارەی خەڵکەکەت و ئەوانەی نوێنەرایەتییان دەکەی دەربڕیوە قسەت لەبارەوە کردوون. بەڵام ئەم رێگاچارە وچارەسەرە دەبێ چی بێت؟ ساڵانێکی زۆرە بووەتە گرێکوێرە و چارهەڵنەگر ماوەتەوە. ئایا لە ئێستادا گەیشتن بە چارەسەرەکە قورسترە؟ یان نەخێر بە پێچەوانەیە؟ روانگەی تۆ لەو بارەوە چێیە؟
عەبدوڵڵا موهتەدی: بابەتگەلی چەکی ئەتۆمی؟
نیوزنەیشن: بەڵێ.
عەبدوڵڵا موهته‌دی: پرۆگرامی ئەتۆمی بارێکی قورس بووە بە سەر شانی خەڵکی ئێرانەوە. سەدان میلیارد دۆلار بەرەو پرۆگرامێکی وەهمی و خەیاڵی چووە. گەلێک گەڵاڵە و پرۆژەی گەورە و زەبەلاح و ساتوسەوداگەلێک کە لە راستیدا هێچ پێوەندییەکیان بە بەرژەوەندی گشتی نەتەوەیی ئێران و خەڵکی ئەو وڵاتەوە نییە. ئەوان ئەو پووڵ و پارەیەی کە دەبوو بۆ دروستکردنی نەخۆشخانە وخوێندنگە وبارهێنان و تەندروستی بکرێت،کردوویانەتە تێچووی پرۆژە و پرۆگرامە ئەتۆمییەکە.
نیوزنەیشن: بە گشتی خەڵکی ئێران ئێستا بەرامبەر بە حکومەتی ئێران چ هەستێکیان هەیە؟
عەبدوڵڵا موهته‌دی: خەڵک هیچ هەستێکی هاودەردییان بۆ حکوومەت نییە. هیچ دڵسۆزیەک نییەیان بۆیان.لە راستیدا ئەمرۆ لە ناوچەیەك بە نێوی ئێکباتان لە تارانی پایتەختی ئێران، خەڵک بە مەبەستی دەربڕینی شادی و خۆشی رژانە سەر شەقامەکەن.زۆرن ئەوانەی کە هیچ سۆز و هاودڵییەکیان بەرامبەر بە دەسەڵاتی ئێران نییە. چونکە ئەوانەی کە لەلایەن ئیسرائیلەوە کوژراون، لە راستیدا هەر ئەوانن کە خەڵکی ئێران وبە تایبەتی جیلی لاو و تازەپێگەیشوویان لە چەند دەیەی رابردوودا و تایبەتیتر لە دووساڵی رابردوو و لە شۆرشی ژن ژیان ئازادی دا سەرکووت کردوە.
نیوزنەیشن: بۆبەسەرەنجام گەیشتنی گۆڕانی ڕژیم لە تاران چی پێویستە؟
عەبدوڵڵا موهته‌دی: ئەمە هەڵدەگەرێتەوە سەر خەڵکی ئێران خۆی. ئێمە خوازیاری ئەوە نین ئه‌مریکا سوپای خۆی بێنێتە نێو ئێرانەوە، بەڵام لە کۆتاییدا و سەرەنجام ئەوە خەڵکی ئێرانن کە دەوری یەکلاکەرەوەیان دەبێ و ئەم گۆڕانەش درەنگ یان زوو روو دەدا.
نیوزنەیشن: ئایا ئەم دۆخە ئەگەری گۆڕینی ڕژیمەکە زیاد دەکات یان کەم؟
عەبدوڵڵا موهتەدی: نەخێر، ئەگەری لاواز بوونی گۆڕانەکە نییە، بەڵام لە کۆتایی دا ئەمە پێوەندی بۆخودی خەڵک، رێکخراوەکانیان و رێبەرایەتی سیاسییانەوە هەیە کە یەکگرتوو بن و ئەم گۆڕانکارییە بە سەرەنجام بگەیەنن.
نیوزنەیشن: خۆزگە وئاواتی تایبەتیی تۆ چییە؟ یان ئایا خەونێکت هەیە بۆ ئەوەی ئێران لە داهاتوو چۆن دەتوانێت بێت؟ ئایا دەتەوێت بگەرێتەوە بۆ سەردەمانی پێشوو ؟ بە گشتی، داهاتووی ئێران لە لە روانگە و گۆشەنیگای تۆوە دەبێ چلۆن بێت؟
عەبدوڵڵا موهتەدی: بە دیاریکراوی نا. بەڵام ئێمە خوازیاری بۆ ئێرانێکی ئازاد، دێموکراتیک و سێکولارین،لە راستیدا ئێمە و باقی ئیتنیک و دانیشتوانی ئێران. هەروەها ئێمە خوازیاری ئێرانێکی فیدڕاڵین بۆ ئەوەی مافی کورد و نەتەوەکانی تر لە یاسای بنەرەتیدا جێگیر و پارێزراو بێت. ئێرانێک کە لەگەڵ خەڵکەکەی گونجاو و حەواوە بێت،لە خزمەتی هاوڵاتی و شارۆمەندانی خۆیدا بێ و لەگەڵ دراوسێکانی لە ڕۆژهەڵاتی ناوەڕاست بە ئاشتی و ئاسوودەیی بژیت.
نیوزنەیشن: ژیانی ڕۆژانە بۆ کوردەکانی ئێران لە ئێستادا چۆنە؟ تکایە ئەمە ڕوونبکەوە بۆ بینەرانی ئەمەریکایی کە لەوانەیە لە دۆخەکەی ئێستا ئاگادار نەبن.
عەبدوڵڵا موهتەدی: ئەوان لە بواری پرۆژە و پلانی گەشەسەندن،وەگەرخستنی سەرمایە ،ژێرخانی و دامەزراوەکان،خوێندن بە زمانی دایکی و هتد…لەگەڵ هەڵاواردن وپەراوێزخستن رووبەروون.بە گشتی لە ئێراندا دەستراگەیشن بەوهەل و دەرفەتانە لە رێگای پلە وپایە و پێگەی سەرووتر کە زیاتر لە قۆرغ و پاوانی سیستم و دامەزراوە ئایینییەکاندان مووکینن. ئێران وڵاتێکە کە لەسەر ئەساس و بناغەی سەرکوت وهەڵاواردن دامەزراوە و ئێمە لەو خەڵکانەین کە لەژێر باری قورسترین و زۆرترین هەڵاواردن داین.
نیوزنەیشن: زۆر سوپاس بۆ بەشداریتان و روونکردنەوەی دیدگا و روانگەکانتان. بێگوومانم لەوەی کە بینەرەکانمان زۆرت لێ فێر بوون. هەستی تۆ لە ئێستادا چۆنە، ئێستا چۆنە؟ چ هەستێکت هەیە؟
عەبدوڵڵا موهتەدی:من هەست و سۆزم ئەوەیە و هیوادارم گیان و ژیانی خەڵکی ئێران لەو شەڕەدا پارێزراو بێت.
نیوزنەیشن: عەبدولڵا موهتەدی! دیدار وگفتوگۆ لەگەڵ ئێوە زۆر مایەی خۆشحاڵی بوو. زۆر سپاس بۆ بەشداریت.
عەبدوڵڵا موهتەدی: منیش زۆر سوپاستان دەکەم.
نیوزنەیشن: سەرکەوتوو بیت لە هەوڵەکانتدا بۆ ئاشتی و دۆزینەوەی چارەسەر لە واشنگتۆن هەر ئەوجۆەری خۆت باست کرد.
عەبدوڵڵا موهتەدی: سپاس.
