ڕۆژی شەممە ٨ی سەرماوەزی ١٤٠٤ی هەتاوی، لەشاری هێلسینک و لەسەر بانگهێشتی پارتی دێموکراتی کوردستان، بە بۆنەی ڕۆژی ئاڵای کوردستان، کومیتەی فەنلاندی کۆمەڵەی شۆڕشگێڕی زەحمەتکێشانی کوردستانی ئێران، کە پیکهاتبوو لە هاوڕێیان فایەق مەسعوودی، ناسر بۆرزوویی و دلێر ڕۆستەمی، بەشداری کۆبوونەوەیەکی هاوبەشیان کرد.
لەم کۆبوونەوەیەدا، لایەنە سیاسیەکانی بەشدار بوو قسە و باسێکیان لەسەر ئاڵای کوردستان، هاوکاری لایەنە سیاسیەکانی هەر چوار پارچەی کوردستان لە وڵاتی فەنلاند و بەڕێوە بردنی ڕێوڕەسمی ساڵڕۆژی ئاڵا، وتوێژێکی چڕ و پڕیان کرد. لە کۆتایی کۆبوونەوەکەدا کومیتەی فەنلاندی کۆمەڵە پشتگیری و بەشداری خۆیان لەو ڕێوڕەسمەدا ڕاگەیاند.
کومیتەی فەنلاندی کۆمەڵەی شۆڕشگێڕی زەحمەتکێشانی کوردستانی ئێران
٩ی سەرماوەزی ١٤٠٤ی هەتاوی
٣٠ی نۆڤامبری ٢٠٢٥ی زایینی
