لە درێژەی تۆپباران ودەستدرێژییەکانی سپای پاسداران بۆ سەر ناوچە سنوورییەکانی هەرێمی کوردستان، کاتژمێر ٨:٥٠ی بەیانی ئەمرۆ چوارشەممە ٢١ی گوڵانی ١٤٠١ی هەتاوی بنکە و شوێنی نیشتەجێ بوونی پێشمەرگەکانی کۆمەڵە لە دۆڵی رۆست کرانە ئامانجی تۆپبارانی سپای پاسداران کە هەتا کاتژمێر ٩:١٥ بەردەوام بوو.هاوکات لەگەڵ تۆپبارانکردنەکە دوو درۆنی سپای پاسداران کە هاتبوونە سەر بنکەکانی هێزی پێشمەرگەی کۆمەڵە،پاش تەقە و کاردانەوەی هاورێیانی پێشمەرگە دوور خرانەوە.
دۆستان ودڵسۆزانی کۆمەڵە و بزووتنەوەی رزگاریخوازی کوردستان دڵنیا دەکەینەوە کە هەموو پێشمەرگەکانی کۆمەڵە سڵامەتن.
ستادی نیزامی هێزی پێشمەرگەی کۆمەڵە
