ڕۆژی شەممە ڕێکەوتی ۳۱ی مانگی ژوئییەی ساڵی ۲۰۲۱ ،لە کاتژمێر ۲ی پاش نیوەڕۆ ،لە وڵاتی سویس و لە شاری بێرن ،لە لایەن ئەندامانی کۆمەڵەی زەحمەتکێشانی کوردستان و ناوەندی هاوکاری حزبەکانی ڕۆژهەڵات ئەکسیۆنێک ڕێکخرا بە مەبەستی پشتیوانی لە خەڵکی بە زاڵە هاتووی ئێران و کوردستان.
لەم ئەکسیۆنەدا هاوڕێیانمان سەرەخۆشی خۆیان ئاراستەی بنەماڵەی شەهید کراوەکان کرد و پشتیوانی خۆیانیان دەربڕی لەو کەسانەی کە لەم خۆپشاندانانەدا دەسبەسەرکراون و ئێستا لە زیندانەکانی ڕژێم دان.
پشتیوانی و هاودەنگی له خەڵکانی دژبەری ڕژێمی ستەمکار و داگیرکەر ئەرکی سەرشانی هەموو تاکەکی کۆمەڵگایە و ئێمەش وەکوو کۆمەڵەی زەحمەتکێشان هاندەر و پاڵپشتی هەموو چینەکی کۆمەڵگاین بە تایبەت چینی کرێکار و زەحمەتکێش ،کە ئەم دۆخەی ئێستای ئێران زۆرترین کاریگەری لە سەر ئەو چینە داناوە.
هیوای ئازادی ئەخوازین بۆ هەموو زیندانیانی سیاسی .

کۆمەڵەی زەحمەتکێشانی کوردستان
کومیتەی سویس.
۰۱٫۰٨٫٢٠٢١