رۆژی شەممە رێکەوتی 02/02/2019 کاتژمێر 18:30 لە لایەن کۆمیتەی کۆمەڵەی زحمەتکێشانی کوردستان لە نۆروێژ رێوڕەسمێک بە بۆنەی ۲٦ی رێبەندان، رۆژی کۆمەڵە بەڕێوەچوو.

 

سەرەتای رێوڕەسمەکە بە سرودی بانگەواز سروودی رەسمی کۆمەڵە دەستپێکرد. دواتر بۆ رێزگرتن لە یاد و ناوی سەرجەم گیانبەختکردووانی کۆمەڵە خولەکێک بێدەنگی راگەیەنرا.

پاشان هاوڕێ نەوید مێهراوەر ئەندامی کۆمیتەی ناوندی کۆمەڵە پەیامی ئەم رۆژەی پێشکەش بە ئامادەبووان کرد.

دواتر چەندین پەیام و بروسکەی پیرۆزبایی بە بۆنەی رۆژی کۆمەڵە خوێندرایەوە، کە بەم شێوەیە بوو:

ـ پەیامی لێژنەی نۆروێژی پارتی دێموکراتی کوردستان لە لایەن بەڕێز محەمەد ئەسکەندەر

ـ پەیامی یەکێتی نیشتمانی کوردستان لە لایەن بەڕێز دکتۆر رزگار هۆرینی

ـ پەیامی هاوبیرانی دێموکرات لە لایەن دکتۆر جەعفەر حامیدی

ــ پەیامی رێکخراوی ئاسۆی ژنی کورد لە لایەن هاوڕێ گلاوێژ عەبدی پەنا

ـ بروسکە و چەپکە گوڵی پیرۆزبایی لە لایەن حێزبی دێموکراتی کوردستان

ـ بروسکە و چەپکە گوڵ لە لایەن حێزبی دێموکراتی کوردستانی ئێران

لە درێژەی مەراسمەکە پارچە شێعرێک لە لایەن هاوڕێ دیاکۆ مورادی پێشکەش کرا و بەشی یەکەمی مەراسمەکە بەم شێوە کوتایی پێهات.

بەشی دووهەم و کۆتایی مەراسمەکە تەرخانکرابوو بۆ پێشکەشکردنی چەندین گۆرانی لە لایەن هونەرمەندان بەکر لەگزی، هانی و شێرکۆ بەردەوام بوو تا درەنگانێکی شەو.

 

کۆمەڵەی زحمەتکێشانی کوردستان – کۆمیتەی نۆروێژ