خەڵکی ئازادیخوازی کوردستان!

دۆستان و دڵسۆزانی کۆمەڵە!

بەمجۆرە رادەگەیەنین کە بەداخەوە کاک سدیق مورادی ناسراو بە سدیقی حاجی عەلی،کەسایەتی ناسراو و سیمای خۆشەویستی ناوچەکانی ساراڵ و بەرپلەی ساراڵ و،باوکی هاورێی گیانبەختکردوومان هاورێ ئیقباڵ مورادی کە پاییزی ساڵی ١٣٦٠ی هەتاوی گیانی لە پێناو ئامانجە بەرزەکانیدا بەختکرد و،هەروەها باوکی ئازیزی هاورێیان عوسمان مورادی و ئیدریس مورادی،بە هۆی نەخۆشییەوە دڵی پر لە هیوا و ئاواتی بە رزگاریی بۆ هەمیشە لە لێدان کەوت.

کاک سدیق کە کەسایەتیەکی خەباتکار و جێی متمانەی خەڵکی ناوچەکە بوو، بە بیانووی بوونی کورەکانی لە ریزەکانی کۆمەڵە و هەروەها لە زیندانەکانی رژیمدا،بە بەردەوامی لە ژێر گوشاری دام ودەزگا ئەمنییەتی و سەرکوتگەرەکانی رژیمدا بوو،کە هەمیشە بە خۆراگری و سەربەرزییەوە بەکرێگیراوانی رژیمی بە چۆکدا دەهێنا.

ئێمە بە بۆنەی مەرگی کاک سدیقی مورادی لەلایان هەموو ریزەکانی کۆمەڵەوە وێرای دەربرینی غەم و پەژارەمان،پر بە دڵ سەرەخۆشی لە بنەماڵەی سەربەرزیان و بە تایبەت لە هاورێیان کاک عوسمان و کاک ئیدریس مورادی(شانشین) و،هەموو خەڵکی ناوچەی ساراڵ و بەرپلەی ساراڵ دەکەین.

بێگوومان ناو و یادی کاک سدیق وەک هەموو ئەو تێکۆشەر و خەباتکارانەی کە بە گیان و بە ماڵ لە خزمەت شۆرشی کوردستاندا بوون،بۆ هەمیشە بە زیندوویی دەمێنێتەوە.

بژی یادی ئازیز و خۆشەویستی.

سکرتاریەتی کۆمەڵەی زەحمەتکێشانی کوردستان

١٢ی رەشەمەی ١٣٩٨ی هەتاوی

٢ی مارسی ٢٠٢٠ی زایینی

بابەتی پێشووپیآمدهای ویروس کرونا در جمهوری اسلامی ایران
بابەتی دواترراگەیاندنی سکرتاریەتی کۆمەڵە بە بۆنەی مەرگی برای گیانبەختکردوویەکی کۆمەڵە لە شاری کرماشان.