رۆژی سێشەممە رێکەوتی ٢٢ی ژوئەنی ٢٠٢١ی زایینی بە میوانداری کۆمەڵەی شۆرشگێڕی زەحمەتکێشانی کوردستانی ئێران، کۆبوونەوەی هەر ٤ حیزبی بەشدار لە ناوەندی هاوکاری بەڕێوەچوو.سەرەتای کۆبوونەوەکە بەرێز عەبدوڵا موهتەدی لێکدانەوەیەکی لەسەر هەڵبژاردنی ئەم دواییەی سەرۆک کۆماری و شووراکان پێشکەش کرد کە تێیدا ئاماژەی سەرەکی خرابووە سەر بایکۆتی بەرینی هەڵبژاردنەکان لە لایەن جەماوەری خەڵک ئێران بە گشتی و کوردستان بە تایبەتی، دواتر بەشدار بووانی هەر سێ لایەنەکەی دیکەی بەشدار لە ناوەندیش ڕا و بۆچوونی خۆیان لەو بارەوە باس کرد، بە گشتی ناوەندی هاوکاری سپاس و پێزانینی خۆیان بۆ جارێکی دیکە ئاراستەی جەماوەری خەڵکی کوردستان کرد و هەڵوێستیانیان لەمەڕ بەهاناوە هاتنی بڕیاری ناوەند بۆ بایکۆتی هەڵبژاردنەکان بەرز نرخاند.لە بڕگەیەکی دیکەی کۆبوونەوەکەدا، دوای خستنە بەر باسی ئەو گەڵاڵانەی کە ناوەندی هاوکاری لە مانگەکانی ڕابردوودا کاری لەسەر کردوون، بڕیار درا کە لانی زۆر تا ١ مانگی داهاتوو ئەم گەڵاڵانە تەواو بکرێن و بۆ پەسەند کردنی کۆتایی بێنەوە کۆبوونەوەیەکی باڵای ناوەندی هاوکاری.جێگەی ئاماژەیە کە لەو کۆبوونەوەیەدا بەرپرسایەتی دەورەیی کۆمەڵەی شۆرشگێڕ کۆتایی پێهات و بەرپرسایەتی ناوەندی هاوکاری بۆ دەورەی داهاتوو ڕادەستی حیزبی دێموکراتی کوردستانی ئێران کرا.ناوەندی هاوکاری حیزبەکانی کوردستانی ئێران.

بابەتی پێشووڕێوڕەسمی یادی ڕۆژی پێشمەرگەی کۆمەڵە لە ناوەندی سەرکردایەتی کۆمەڵەی زەحمەتکێشانی کوردستان
بابەتی دواترکاک سدیقی رەزایی،تێکۆشەری دێرین ودۆستی بەوەفای کۆمەڵە لە شاری سنە ماڵئاوایی لەژیانکرد