جەماوەری خەڵكی كوردستان…
ژنانی ئازدیخواز…
نەتەوە بندەست‌و ئازادیخوازەكانی ئێران…
ناوەندە نێودەوڵەتییەكانی مافی مرۆڤ…

ماوەی هەفتەیەكە لە چەندین شارو ناوچەی پارێزگای خوزستان خۆپیشاندان‌و ناڕەزایی دژی نەبوونی سەرەتایی ترین پێداویستیەکانی ژیان وەک ئاوو و بەرق دەستی پێكردوە‌و رژیمی سەرکوتگەری کۆماری ئیسلامی ئەمجارەش سەرارەی شەق شەق بوونی پەیکەرەی خۆی هەوڵی سەرکوتی ئەو دەنگە مافخوازانەی خەڵکی نارازی داوە و تا ئێستا بە پێی هەواڵەکان رێژەیەکی زۆر بە تەقەی راستەوخۆی هێزە ئەمنیەكانی رژیم بە داخەوە گیانیان لەدەستداوە‌و ژمارەیەكی زۆریش دەستگیر كراون.

ئەگەرچی خۆپیشاندانەكان دژ بە نەبوونی خزمەتگوزاری و نەبوونی ئاوو و بەرق دەستی پێكرد، بەڵام لە بەردەوامی ئەو خۆپیشاندانانە دروشمی خەڵكی ناڕازی تەنیا رووخانی كۆماری ئیسلامی‌و كۆتایی هاتن بەو هەموو نەهامەتییەیە كە لەلایەن دەسەڵاتدارانی رژیمەوە بەسەریاندا سەپاوە.

كۆماری ئیسلامی كە بە درێژایی تەمەنی خۆی هەموو ناڕەزایی‌و خۆپیشاندانێكی خەڵكی بەشێوەیەكی دڕندانە سەركوت كردوە، ئەمجاریش لە رێگەی زەبر‌و زەنگ‌و تەقەكردن هەوڵ بۆ بێدەنگ كردنی دەنگی ناڕەزایی خەڵك دەدات.
بەرپرسانی رژیم كە هەمیشە ژیان‌و خزمەتگوزارییەكانی نەتەوەكانی ئێرانیان پشتگوێ خستوە، لە بری چارەسەری كێشەكان‌و دابینكردنی پێداویستیی سەرەتاییەكان، سەركوتی ناڕەزاییەكان دەكات.

لەئێستادا نارەزایەتییەکان گەیشتۆتە شارەکانی کرماشان، ئیسفهان و بوشەهەر و پشتیوانییەکی زۆریش لە خەباتی خەڵکی خوزستان دەبیندرێت و رۆڵی بەرچاوی ژنانی خوزستان و چالاکانی ژنی ئێرانیش حاشا هەڵنەگرە و ئەمەش لە رەوتی خەباتی ئێستادا گرنگ و چارەنووس سازە.

ناوەندی ژنانی کوردستانی رۆژهەڵات، پشتیوانی خۆی لە ئاخێزی خەڵكی ناڕازی پارێزگای خوزستان و سەرجەم داوا رەواكانیان دەكات‌و داوا لە ژنان‌و پیاوان‌و سەرجەم نەتەوە بندەستەكانی ئێران‌و بەتایبەت جەماوەری هۆشیاری خەڵكی كوردستان دەكات پشتیوان ‌و هاودەنگی ئەو ناڕەزاییانە بن‌و دژ بە سیاسەتە نا ئینسانییەكانی كۆماری ئیسلامی بێدەنگ نەبن.
ناوەندی ژنانی هەروەها داوا لە ناوەندە نێودەوڵەتییەكانی مافی مرۆڤ دەكات بە هانای خەڵكی ستەملێكراوی خوزستانەوە بێن‌و ناڕەزایی خۆیان دژ بە سەركوت‌و كوشتاری خۆپیشاندەران لەلایەن هێزە سەركوتگەرەكانی كۆماری ئیسلامییەوە دەرببڕن.

مەرگ‌و نەمان بۆ دەسەڵاتی رەشی كۆماری ئیسلامی
سەركەوێ خەباتی رەوای گەلانی ئێران

ناوەندی ژنانی کوردستانی رۆژهەڵات
٣١ی پوشپەڕی ١٤٠٠ – ٢٢ی جولای ٢٠٢١

بابەتی پێشوواز خیزش و اعتراضات هموطنان عرب در خوزستان ( اقلیم اهواز) حمایت می کنیم
بابەتی دواترکۆبونەوەی لیژنەی هاوئاهەنگی ڕێکخراوەکانی لاوانی ڕۆژهەڵات