بەرێزان:
سەرۆکی یەکێتی نیشتمانی کوردستان!
مەکتەبی سیاسی و ئەنجوومەنی سەرکردایەتی یەکێتی نیشتمانی کوردستان!

لەگەڵ سڵاوێکی گەرم
بە بۆنەی ٤٧مین ساڵیادی دامەزراندنی یەکێتی نیشتمانی کوردستان لە لایەن کومیتەی ناوەندیی کۆمەڵەوە پر بەدڵ پیرۆزبایی خۆمانتان ئاراستە دەکەین و هیوای بەردەوامی وسەرکەوتنتان بۆ دەخوازین.

بەرێزان! هەروەک خۆشتان دەزانن یادی ٤٧ ساڵەی دامەزراندنی یەکێتی نیشتمانی کوردستان لە بارۆدۆخێکی هەستیاری ناوخۆیی و ناوچەیی و جیهانیدا بەڕێوەدەچێ. بەداخەوە بزاڤی رزگاریخوازی گەلەکەمان بە قۆناغێکی گەلێک ئەستەم و دژواردا تێدەپەرێ. هەربۆیە گەلی کورد لەم کاتەدا زیاتر لە هەموو کاتێک پێویستی بە تەبایی و هاودەنگی و یەکڕیزی هەیە و، بە لەبەرچاوگرتنی مێژووی دوورودرێژی یەکێتی نیشتمانی کوردستان و رۆڵ و پێگەی بەرچاوی لە بزووتنەوەی رەوای گەلەکەماندا بێگوومان هەوڵدان بۆ یەکخستنی وزە و توانی جەماوەری لە هەرێمی کوردستان و لە نێوان هێز و لایەنە سیاسییەکان لە هەموو بەشەکانی دیکەی کوردستان لە یەکێتی نیشتمانی چاوەڕوانییەکی رەوا و هەنووکەییە.

لە کۆتاییدا جارێکیتر پیرۆزبایی یادی ٤٧ساڵەی دامەزراندنی یەکێتی نیشتمانی کوردستان لە ئێوە و هەموو کادر و ئەندام و لایەنگرانتان و لە هەموو بنەماڵەی سەربەرزی شەهیدانی بزووتنەوەی رزگاریخوازی کوردستان دەکەین. هیوادارین پێوەندی و هاوخەباتی لە مێژینەی نێوان یەکێتی نیشتمانی کوردستان و کۆمەڵە وەک هەمیشە گەرموگوڕ بێ و، یەکێتی نیشتمانی کوردستان بە پێی چاوەڕوانییەکان پاڵپشتی بزووتنەوەی مافخوازانە و رەوای کورد لە کوردستانی رۆژهەڵات بێت.

وێرای پیرۆزبایی دووبارە

کومیتەی ناوەندیی کۆمەڵەی زەحمەتکێشانی کوردستان
١ی ژوئەنی ٢٠٢٢ی زایینی
١١ی جۆزەردانی ١٤٠١ی هەتاوی

بابەتی پێشووفاجعه فروریختن ساختمان در آبادان محصول فساد نهادینه شده در حکومت اسلامی است.
بابەتی دواتردواڕۆژ-ژمارە ١١٦