خەڵكی تێكۆشەر و ئازدیخوازی كوردستان!

ئێوە لە بزوتنەوەی ئەو دەورەیەدا سەركەوتنێكی مێژووییتان تۆمار كرد و یەكگرتوویی ئێوە نەك هەر پشتیوانی، بەڵكوو ئیعترازاتی جەماوەریی گەورەشی لە ئێران بەرپاكرد. دیارە ئەو ڕاپەڕین و هەستانە سیاسییە دەنگدانەوەی نێونەتەوەیشی هەبووە و زیاتریش دەبێت.

لەئێستا كە كۆمەڵانی وەزالە هاتوو بەرخودانیان بۆ ئازادی و دیموكراسی و مافە رەواكانیان لە گۆڕەپانی خەبات بەردەوامە ‌و هەموو كوردستان هاودەنگە و گشت ئێرانیشی گرتۆتەوە، خەباتی ئێوە ڕژیمی وەلەرزە هێناوە و بە درۆ و دەلەسەی بێ بنەما باس لە بوونی هێزی پێشمەرگە لە گردبوونەوە ناڕەزایەتی و سیاسییەكان دەكات كە ئەسڵ و ئەساسی نییە. لە لایەكی دیكەوە دەستگەلێكی نەزان یان نادڵسۆزیش لە هەوڵدان تا ئاراستەی ناڕەزاییەكان بەرەو جوڵەی سەربازیی بەرن و لە توڕەبوونی خەڵك و لاوەكان بۆ ئەو مەبەستە كەڵك وەرگرن.

ناوەندی هاوكاریی حیزبەكانی كوردستانی ئێران لەو بڕوایە دایە كە وەها كردەوە و تاكتیكێك لە ئێستادا بە زیانی خەباتی سیاسی و بەردەوام بوونی بزوتنەوەی مەدەنییە و لەم هەلومەرجەدا كارێكی نابەرپرسانەیە. هەروەها جارێكی دیكە لەگەڵ وەدرۆخستنەوەی پڕۆپاگاندا و بوختانەكانی كۆماری ئیسلامی رایدەگەیەنین كە: بەڵێ حیزبە سیاسییەكانی رۆژهەڵات پشتیوانی تەواوی خۆیان لەو بزوتنەوەیە ڕاگەیاندوە و، بۆ بەردەوامیی ئەو خەباتە و داخوازییەكانی ئەو بزوتنەوە مەدەنییە هاوئاهەنگ لەگەڵ ئێوە و بۆ بەردەوامیی بزوتنەوەكە كار دەكەین و پەرە بەو یەكگرتوویەش دەدەین كە لە سەراسەری ئێراندا پێكهاتووە و لەو بوارەدا لەگەڵ ئۆپۆزیسیۆنی ئێرانیش لەسەر خەت دەبین هەتا ڕوخانی كۆماری ئیسلامی و گەیشتن بە مافە ڕەواكانی گەلی كورد و باقی خەڵكی ئێران هەدا نادەین.

بەرز و بەڕێزە یادی شەهیدانی ئەوە دەورەیە و هیوای سڵامەتی بۆ بریندارەكان دەخوازین.
بژی یەكگرتوویی و یەكێتی كوردستان
بڕۆخێ كۆماری ئیسلامی ئێران

ناوەندی هاوكاریی حیزبەكانی كوردستانی ئێران
٣١ خەرمانانی ١٤٠١

بابەتی پێشووپەیامی ناوەندی هاوكاریی بۆ نەتەوەی كورد باقی پارچەكانی كوردستان!
بابەتی دواترشاندێکی حیزبی دیموکرات سەردانی پەیوەندییەکانی کۆمەڵەی کرد