ئەنجومەنی هاوئاهەنگی رێكخراوە پیشەییەكانی فەرهەنگییانی ئێران لەبەیاننامەیەكدا هاوكات لەگەڵ دەربڕینی ناڕەزایی بە سەركوتی خۆپیشاندەران و ملیتاریزەكردنی قوتابخانەكان و گرتنی قوتابیان و خوێندكارانی ناڕازی، داوا لە سەرجەم مامۆستایان و خوێندكارانی ئێران دەكات رۆژانی دووشەممەو چوارشەممە (4 و 6ی رەزبەر) دەوامی خوێندن لەسەرجەم خوێندنگاو زانكۆكانی ئێران رابگرن.
ناوەندی هاوكاری حیزبەكانی كوردستانی ئێران سەرەڕای پشتیوانی تەواوی خۆی لە داخوازی و مانگرتنی مامۆستایان و خوێندكارانی ئێران، داوا لە مامۆستایان، خوێندکاران و فەرهەنگیانی کوردستان کە هەمیشە پێشڕەوی خەباتی جەماوەریی بوون، هەروەها داوا لەسەرجەم چین و توێژەكانی خەڵک، كارمەندان و كرێكارانی پیشە جوراوجۆرەكان لەسەرتاسەری ئێران و كوردستان دەكات كە بە هەموو شێوازێك بۆ پشتگیری لە ناڕەزاییەكانی ئەو ڕۆژانە و مانگرتنی مامۆستایان و فەرهەنگیان بێنە دەنگ تا یەكگرتوانە بە بەردەوام بوونی خەبات و ناڕەزایی كۆتایی بە دەسەڵاتی سەركوت و كوشتاری كۆماری ئیسلامی بهێنین.
ناوەندی هاوكاری حیزبەكانی كوردستانی ئێران
5ی رەزبەری 1401ی هەتاوی

بابەتی پێشووشاندێکی حیزبی دیموکرات سەردانی پەیوەندییەکانی کۆمەڵەی کرد
بابەتی دواترراگەیاندنی سکرتاریەتی کۆمەڵە سەبارەت بە بۆردمانەکانی ئەمرۆی ناوەندی سەرکردایەتی کۆمەڵە لە لایەن کۆماری ئیسلامیەوە