كۆمەڵانی خەڵكی ئێران و كوردستان!

کۆمەڵگەی جیهانی و وڵاتانی خاوەن ‌بڕیار!

ناوەندە نێودەوڵەتییەكانی مافی مرۆڤ!

نیوەشەوی 29ی لەسەر ٣٠ی خەزەڵوەر سپای تیرۆریستی پاسدارانی كۆماری ئیسلامی جارێكی دیكە بە مووشەک و دڕۆن بنكە و بارەگاكانی حیزبی دیموكراتی كوردستانی ئێران و كۆمەڵەی لە قووڵایی خاكی هەرێمی كوردستاندا کردە ئامانج، كە بەداخەوە شەهیدبوونی پێشمەرگەیەکی حیزبی دێموکرات و چەند برینداری دیکەی لێ كەوتەوە.كۆماری ئیسلامی كە لە ئاست خرۆشانی خەڵكی ڕاپەڕیوی کوردستان و ئێران دۆشداماوە بووە، بۆ بەلاڕێدا بردنەوەی شۆڕشی نوێ و دوورخستنەوەی ڕای گشتیی جیهان لەسەر ئەم ئاخێزە گەورەیەی كوردستان و ئێران، وێڕای هەڕەشەی بەردەوامی هێرشکردنە سەر خاكی هەرێمی كوردستان، ناوە ناوەش بنكە و بارەگاكان و كەمپی دانیشتووانی مەدەنیی حیزبەكان دەکاتە ئامانج.ناوەندی هاوكاریی حیزبەكانی كوردستانی ئێران سەرەڕای مەحكووم‌كردنی ئەو هێرشە دڕندانەیە داوا لە ناوەندە نێودەوڵەتییەكان و ڕێكخراوەكانی مافی مرۆڤ دەكات بەرامبەر بەم زنجیرە تاوانەی كۆماری ئیسلامی و بۆردومان‌كردنی بنكە و بارەگاكانی حیزبەكان كە ژمارەیەكی بەرچاو خێزان و ژن و منداڵ تێیدا دەژین بێدەنگ نەبن.

ناوەندی هاوكاریی حیزبەكانی كوردستانی ئێران

30ی خەزەڵوەری 1401 – 21ی نۆڤامبری 2022

بابەتی پێشووراگەیاندنی سکرتاریەتی کۆمەڵە سەبارەت بە بۆردمانەکانی ئەم شەوی ناوەندی سەرکردایەتی کۆمەڵە لە لایەن سپای پاسدارانەوە
بابەتی دواتربازيابی وحدت در صفوف دو کومه‌له، پاسخ درخوری به وضعيت کنونی در ضرورت گسترش مبارزات ما