رۆژی یەکشەممە رێکەوتی ١٩ی رێبەندان، کۆمیتەی تەشکیلاتی کۆمەڵە لە دانمارک، سێمینارێکی سیاسیی بەبۆنەی رۆژی کۆمەڵەوە، لە ژێر ناوی هەڵسەنگاندی بارودۆخی سیاسیی کوردستان و ناوچەکە، بەڕێوە برد.

سێمینار بە دەقیقەیەک بێدەنگی بۆ رێز گرتن لە یادی شەهیدانی کۆمەڵە و بزووتنەوەی رزگاریخوازانەی کوردستان دەستی پێکرد و پاشان هاوڕێ عومەر ئێلخانیزادە، سکرتێری گشتیی کۆمەڵە، وەک پێشکەشکاری باسەکە، تیشکی خستە سەر دوایین گۆڕانکاری و رووداوەکانی ناوچەکە و بە شیکردنەوەی هۆکارەکانی شەڕی گرووپی تیرۆریستیی ئیسلامیی داعش لە دژی کوردستان و بەشداریی زلهێزەکانی ناوچەکە لە دژایەتی کردنی بزووتنەوەی کوردستان، بەرەنگاریی مێژوویی بزووتنەوەی کوردی لە بەرامبەر تیرۆریزمی ئیسلامی لە چەند دەیەی رابردووشدا خستە بەر باس و لێکدانەوە.

لە درێژەدا هاوڕێ عومەر سەرنجی خستە سەر دۆخی ئێستای هێزە سیاسییەکانی کوردستانی رۆژهەڵات و بە دەستنیشان کردنی هۆکارەکانی گرفتەکانی ئێستای حیزب و لایەنە سیاسیەکانی کوردستان، گرینگترین رێگەچارە و هەنگاوی بەرەوپێشی لەمبارەیەوە بە نزیکایەتی و هاوکاری و هاوئاهەنگیی نێوان حیزب و لایەن و کەسایەتییە سیاسییەکان پێناسە کرد و شیکاری و دیاریکردنی کەموکورتی و لاوازییەکانی بە هەنگاوێکی بوێرانە و رەخنەیەکی دڵسۆزانە بۆ ئامادە کردنی بەستێنی هاوکاری و هاودەنگیی زیاتر و پێویستیی بزووتنەوەی رزگاریخوازیی کوردستان پێناسە کرد.

دوای پێشکەش کردنی باسەکەی هاوڕێ عومەر، ئامادەبووانی سێمینارەکە بە پرسیار و خستنە رووی بیروبۆچوونی جۆراوجۆر، بوونە هۆی دەوڵەمەندتر کردنی سێمینارەکە.
سێمینارەکە بە وەڵامدانەوەی پرسیاری بەشداربووان لەلایەن هاوڕێ عومەر ئێلخانیزادەوە کۆتایی پێهات.

کۆمەڵەی زەحمەتکێشانی کوردستان
کۆمیتەی دانمارک
٢١ی رێبەندانی ١٣٩٣

 

بابەتی پێشووچالاكی هەڵسوڕاوانی كۆمەڵە لەشارەكانی كوردستان بەبۆنەی 26ی رێبەندان
بابەتی دواترهر نسل یک انقلاب / رضا کعبی