رۆژی ٢٠ی ژانویەی ٢٠١٨ لە شاری کوڵن سمینارێکی سیاسی بە بۆنەی رۆژی کۆمەڵەوە بەڕێوچوو.

ئەم سمینارە کە کۆمەڵەی زەحمەتکێشان- کۆمیتەی ئاڵمان رێکیخستبوو وێرای وتاری فەرمی کۆمەڵە بەم بۆنەوە، پانێلێکی تیدا بەڕێوچوو کە بریتی بوو لە سێ تەوەری جیاواز هەرکامەیان یەکێک لە پرسەکانی بزووتنەوەی کوردستانی شرۆڤە دەکرد و لە روانگەی باسکارە وە رێگەی تێپەڕاندی قەیران و گرفتی سەر رێگای پرسی دیاری کراو پێشنیار کراو و لە گەڵ ئامادە بووان خرایە گفتوگۆوە.

سیمینارەکە سەرەتا بە سروودی بانگەواز دەستی بەکار کرد و پاش چەند ساتێک بە پێوە وەستان بۆ رێز گرتن لە یادی ئازیزی گیانبەختکردوانی رێگای ئازادی و یەکسانی هاوڕێ عومەر ئیلخانیزادە سکرتێری گشتی کۆمەڵە هەلومەرجی ئێستای بزووتنەوەی کوردستان و ئێرانی شرۆڤە کرد و هەڵوێستی کۆمەڵەی زەحمەتکێشانی لەو پێوەندیە دا بۆ ئامادەبووان روونکردەوە.

پاشان کاری پانێلەکە دەستی پێکرد و سەرەتا خانم فەرزانە ئەردەشیری هەڵسووڕاوی پرسی ژنان لە سەر دەورونەقشی ژنان و کاریگەری دەسەڵاتە پیاو سالارەکان لە سەر ئەم پرسە و بە دیاری کراوی چەوساندنەوی ژن بە شێوەی مۆدێرن لە نیزامی سەرمایەداری پێشکەوتوو دا و دەوری ژنان بۆ بەرەنگاری لە چەوساندنەەوە و بە دیاری کراوی لە کۆمەڵگای کوردستان و دەوری کۆمەڵە لەم پێوەندەدا خرایە بەر باس و گفتوگۆ.

بابەتی دووەم شرۆڤەکردنی پرسی چەپ بوو لە بزووتنەوەی کوردستان دا کە بەرێز رەئوف کەعبی پێشکەشی کرد.
لەم باسە دا دەورونەقشی چەپ لە بزووتنەی رزگاریخوازی گەلی کورد و دەوری کۆمەڵە درایە بەر باس و بەڕای باسکار بزووتنەوەی کورد وەک راسانی ژێردەستان جیا نیە لە بزووتنەوەی چەپ و زەمینەی مێژووی ئامادە بوونی بەستێنی چەپی لە کۆمەڵگەی کوردستان دا شروڤە کرد.

باسی کۆتایی بریتی بوو لە بزووتنەوەی کوردستانی رۆژهەڵات لە نێوان فیدالیزم و سەربەخۆیی دا کە بەرێز دوکتۆر کامەران ئەمین ئاوە پێشکەشی کرد، باسکار لە سەر خواستی گەلی کورد بو وەدەستهێنانی مافەکانی لە فۆرمی جۆر بە جۆردا تەئکیدی کرد و نموونە مێژوویەکانی سەرهەڵدان و داواکاریەکانی بزووتنەوەی کوردی خستە بەر باس و گفووگۆ کە تێکدا تیشکی خستە سەر دروشمی سەر بە خۆیی و فیدالیزم و کەڵک وەر گرتن لە فۆرمە جۆربە جۆرەکان تا گەێشتن بە ماڤی رەوای خەڵکی کوردستان و بڕێار دان لە سەر چارەنووسی خۆیان.

لە دووا برگەی سمینارەکە دا ئامادە بووان تێشکیان خستە سەر باسەکان و سەرنج و تێبینی خۆیانیان راشکاوانە لە سەر پرسەکانی شروڤەکراو لە سمینارە کە دا باس کرد و پاشان باسکاران وڵام و روونکردنەوەی خۆیانیان لە سەر تێبێنی و سەرنجەکان خستە روو.
سمینارە پاش پێنج کاتژمێر کاری پڕاوپڕ سەرکەوتووانە کۆتایی پێهات.

بابەتی پێشووراگه‌یه‌نراوی كۆمەڵە “هێرش بۆ سەر عەفرینی رۆژئاوای كورستان مەحكوم دەكەین”
بابەتی دواترکۆنفرانسی ساڵانەی رێکخستنەکانی کۆمەڵە لە ئاڵمان بەڕێوەچوو