ماوەی چەند ڕۆژێکە چەکدارانی داعش دوای ئەوەی سوپای عێڕاق هەرەسی هێنا و خۆیان پڕ چەک کرد، دەستیان داوەتە هێرش بۆ سەر کوردستانی ڕۆژئاوا و کانتونی کوبانییان خستۆتە مەترسی.

ئێمە بە تەواوی پشتیوانی خۆمان بۆ بەرگریکردنی دەسکەوتەکانی بزاوتی رزگاریخوازی کورد لە ڕۆژئاوا رادەگەیەنین و، وێڕای مەحکوم کردنی ئەم هێرش و داگیرکاریەی داعش، هەموو بەرگریکارانی کوبانی دڵنیا دەکەینەوە کە گەلی کورد لە ڕۆژهەڵات پشتیان دەگرن و کۆمەڵەی زەحمەتکێشانیش بە ئەرکی خۆی دەزانێ لەم دەمە ئاستەمەدا هاوکار و داکۆکیکاری گریلای رۆژئاوا بێ.

  هەر وەها داوا لە هەموو هێزە سیاسیەکانی ڕۆژئاوا، بە تایبەتی پەیەدە دەکەین بە یەکریزی دژ بەم پیلانەی کۆنەپەرەستان و دوژمنانی ئازادی و دێمۆکراست بوەستنەوە و حەولی تەواو بخەنە گەڕ تا ناکۆکی نیوانیان لە پێناو یەکریزی بزوتنەوەکە بپارێزن. خوازیاری ئەوەین هەموو هێزە سیاسیەکانی هەموو بەشەکانی کوردستان بۆ شکستهێنان بە تەجاوەزکاریی داعش و پشتیوانی بزوتنەوەی رەوای گەلی کورد لە ڕۆژئاوا، وەگەر بکەون و لە سازدانی پشتیوانی نێونەتەوەیی تا کردەی مەیدانی و سەربازی و کۆمەکی لۆجستیکی بۆ بەهێزکردنی گەریلای ڕۆژئاوا لە حەولدا بن.

کۆمەڵەی زەحمەتکێشانی کوردستان
٨. ٧. ٢٠١٤ زایینی

بابەتی پێشووراگەیاندنی کۆمەڵە بە بۆنەی مەرگی شێخ عەلی(مەحمود عەبدولرەحمان ئەحمەد)
بابەتی دواترراگەیاندنی کۆمەڵە سەبارەت بە هەڕەشە و لێدوانی دوژمنکارانەی بەرپرسانی کۆماری ئیسلامی دژ بە مافی چارەنوسی کوردی باشور